• O estudo encargado polo goberno local conclúe que xa se pode tributar o imposto sen a bonificación do 95% que se determinou en 1972
• “Era unha inxusticia patente, xa viña sendo moita hora de dedicar eses fondos ao interese veciñal”, expresou o alcalde
O Concello de Abegondo inicia o camiño para lograr unha reclamación histórica: que a concesionaria da autoestrada AP-9 pague anualmente o 100% do imposto sobre bens inmobles (IBI), para o que conta cunha exención dun 95% por unha lei de 1972. E, previsiblemente, farao xunto a máis Concellos polos que discorre a infraestrutura, aos que o alcalde, José Antonio Santiso, convocou hoxe para crear unha fronte común.
Un total de 22 concellos participaron na reunión, celebrada no salón de plenos de Abegondo: A Coruña, Culleredo, Cambre, Bergondo, Betanzos, Paderne, Cabanas, Ferrol, Oleiros, Mesía, Ordes, Oroso, Santiago de Compostela, Teo, Padrón, Valga, Caldas, Mos e Abegondo. E máis que están interesados na acción, pero non puideron asistir por cuestións de axenda.
Un despacho de avogados especializado na tributación de impostos públicos, Gonzalo Avogados, acudiu ao encontro para explicar o informe previo que realizou a pedimento de Abegondo. A iniciativa xurdiu hai uns meses, tras coñecer o precedente de Castela e León, onde se producía unha situación similar.
Os expertos xurídicos conclúen que en agosto de 2023 venceu a cláusula coa mencionada exención do imposto. Por tanto, os Concellos xa poderían tributalo ao 100% desde o último trimestre do ano pasado, e por suposto xa en 2024.
Para iso recomendan realizar pasos firmes pero con precaución, dado que é previsible a resposta de Audasa #ante a contribución millonaria que lles vén encima. Asimismoi, tamén apostan por revisar o relatorio especial de valores do catastro para verificar se se contemplaron modificacións como ampliacións da calzada ou das infraestruturas complementarias, o que supoñerá tamén un aumento na tributación.
Así, a conclusión é que os Concellos poden actuar desde xa para tributar o 100% do IBI. Terano que facer #de acordo con a Deputación, se é a administración á que teñen delegada a función.
“*É un momento histórico, imos poñer fin a unha inxusticia patente e xa viña sendo moita hora”, expresou Santiso. O rexedor mostrouse contento de tomar esta iniciativa porque supoñerá un aumento dos ingresos municipais “que poderemos dedicar a investimentos e servizos de interese veciñan en lugar de beneficiar á empresa concesionaria”.
No caso de Abegondo, serían 595.000 euros ao ano os que se recadarían, fronte aos 29.771,04 euros que se percibe actualmente. O municipio é un dos máis afectados ao albergar 20 quilómetros de calzada, peaxes e outras dependencias. Na reunión, outros representantes puxeron de relevancia a enorme inxección que lles supoñerá, como o caso de Caldas de Reis, que pasaría de 15.000 a 300.000 euros, por exemplo.
Agora cada Concello determinará o seu propio procedemento, #de acordo con a información trasladada hoxe na reunión promovida por Abegondo. Santiso xa deixou claro que o Concello abegondés iniciará “desde xa” o procedemento para reclamar “ou que por dereito corresponde aos nosos veciños”.
